خاطره بعنوان ( إحساسا شعرته فكتبته )

                                  إحساسا شعرته فكتبته

عايش في مكان شبه المربع .. كل اللي يفرق فيه باب
مش بسمع غير نفسي ساعات ... أصل أنا رسام .. كل يوم بشوف ناس .. عارفها ومش عارفها .. بس المهم برسمهم .. وبتفاجئ بإنهم إتلونوا لوحدهم .. إزاي معرفش
وناس شافوني وعرفوني .. وبعد كده رسموني .. حبوا يلونوني .. معرفوش ...
أصل صعب إنك تتلون بلون .. علشان لون يليق عليك بالعافيه
أنا لما بتكلم هتلاقيني بعلم .. إسمعني ممكن تتعلم .. إسمع مني ومنهم وقرارك في الآخر .. هو الأساس
أما إنك تسمع وبعدها تجري تتكلم .. فبعد كده هيقولوا عليك .. عديم الإحساس
أنا والناس .. بيني وبينهم ورقه وقلم .. مش معنى كده إني بشتمهم .. أنا بس بكتب عن حقيقتهم .. اللي مش بتبان إلا مع ناس وناس
إرحموني لإن أنا إنسان
الندم قرب يصاحبني من كتر ما بشوفه بسبب ناس
بندم على عدد ساعات قضيتها مع ناس .. وبندم على كلام راح لناس
وبندم على كتابة كلام لإنسان .. عنده الكلام زي الأرض اللي بتمشي عليها الناس
يلا معلش ... حقيقه ولازم نحسها
أكتر حاجه بكرهها في الدنيا دي ... الكدب وكمان اللف و الدوران
ندمت بسببهم كتيييير .. علشان وثقت في واحد من الناس
والنتيجة في الآخر حبة كلام .. بيزعل منه الناس
بس ربنا كبير ... كفايه إنك تنام ويكون في إعتقادك إن بكره أحلى ... ولما تصحى تلاقيه أحلى وأحلى
محتاجين إيه في الدنيا دي غير رضاه وستره علينا
بشوف ناس مهمومه ... ومن حملها مغمومه .. هقولك شوية كلمات .. مفهومه
قال تبارك وتعالى :
يابن آدم إنك ما دعوتني ورجوتني غفرت لك على ما كان منك ولا أبالي
يابن آدم لو بلغت ذنوبك عنان السماء ثم استغفرتني غفرت لك
يابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفره

وأحب أعمل صدقه جاريه على روح إنسان كان بيقول :
عيش كل لحظه وكإنها آخر لحظه في حياتك .. عيش بالأمل .. عيش بحب رسول الله ..وقدر قيمه الحياه
وأنا بقول : اللهم إجعل كل من قرأ .. أو سمع .. ما خطه قلمي من كلمات .. تحدث في العقول معنى .. أن تبدل سيئاته حسنات
آمين يارب العالمين
‫#‏خواطر‬
أحمد محسن